Willemstad- Desèmber – 2014:  Ademas di ofertanan spesial Pizza Hut ta aportá na e ambiente di Pasku ku un seri di presentashon di grupo di aguinaldo ‘Los Originales’ na tur restorant di Pizza Hut. Di e forma aki Pizza Hut ta duna pueblo di Kòrsou e oportunidat di disfrutá di un ambiente original di Pasku den kompania di famia òf amigunan. ‘Los Originales’ lo tei Djaluna 15 di desèmber na Pizza Hut Sta. Maria di entre 7’or ku 11’or di anochi, djaweps 18 di desèmber na Pizza Hut Brionplein i djaluna 22 di desèmber na Pizza Hut Saliña tambe entre7’or ku 11’or di anochi.  Ademas di esaki, Pizza Hut kier a rekordá su klientenan riba su oferta spesial pa fin di aña ‘Christmas Big Box’ ku ta konsistí di 3 ‘medium’ pizza di 1 topping den un kaha grandi pa Naf. 85,= (take-out) òf yama pidié te na kas *delivery pa Naf. 95,=. Esaki ta un opshon perfekto pa un selebrashon den grupo.  Na kompra di e ‘Christmas Big Box’ Pizza Hut ta regalá un tas di Pizza Hut mas 2 kùp re-usabel ku tema di Pasku i un Coca Cola di 2 liter. Pizza Hut ta invitá un i tur pa disfrutá di ambiente navideño ku ‘Los Originales’ dianan 15, 18 i 22 di desèmber. Keda pendiente pa e orarionan adaptá spesialmente pa e temporada aki. Pizza Hut ta gradisí tur su klientenan pa nan lealtat i alabes ta deseá pueblo di Kòrsou felis dianan di fiesta!