WILLEMSTAD – Direktiva di AMAK ta invitá tur su miembronan i tambe personanan ku ta interesá na partisipá na Festival di Tumba 2015, na un reunion di sumo importansia. Durante di e reunion aki ku tin komo tema: Festival di Tumba 2015, lo atendé e último detayenan relashoná ku e di 45 edishon di e evento kultural mas grandi di Kòrsou. E reunion lo ta: Djaluna dia 15 di desèmber 2014 kuminsando pa  6:30 pm den Lugá: Sala di Reunion Newburn Patricks ( CFC) Si pa 6:30 no tin quorum, lo sera reunion i despues di mei ora lo habri esaki bek i lo sigui kue  reunion ku esnan presente. Ta p’esei direktiva di AMAK ta hasi un apelashon na miembronan i tur otro hende ku ta tin intenshon di partisipá den Festival di Tumba 2015, pa ta presente na e reunion aki.