WILLEMSTAD –  E aña aki Renaissance Mall i Rif Fort ta agregá un toke èkstra na e temporada di fin di aña. Djasabra dia 13 di desèmber próksimo pueblo di Kòrsou ta keda invitá pa bishitá Renaissance Mall i Rif Fort su Feria Navideño kuminsando for di 10’or di mainta te ku 5’or di atardi. E biaha aki lo kombiná e popular marshe di pruga ku un Arts & Crafts den un ambiente di Pasku. Tur ku bishitá e marshe rònt di e fòntein di Renaissance Mall lo keda fasiná pa e kosnan di man i artíkulonan di Pasku ku lo wòrdu ekshibí durante di e dia aki. Muchanan lo por rekreá den e bouncer i disfrutá di pòpkòrn i katuna di suku. E aktividat durante dia lo wòrdu kombiná ku músika di Dj Ro-1 i Dj Carlito. Ta bon pa menshoná ku establesimentunan lo ta habrí den Renaissance Mall i Rif Fort pa esnan ku ta deseá di hasi ‘Christmas Shopping’ . Bishitá Renaissance Mall i Rif Fort su feria navideño dia 13 di desèmber próksimo i skohe opsekionan úniko pa regalá bo sernan kerí durante e temporada spesial aki. Manera semper lo tin stènt ku variedat di kos di kome tambe. Pues, motibunan sufisiente pa bishitá Renaissance Mall i Rif Fort ku famia kompletu entre 10’or di mainta i 5’or di atardi. Kòrda ku na Renaissance Mall i Rif Fort tin posibilidat di parker grátis.