Willemstad – Minister di desaroyo ekonómiko Sr. Stanley Palm huntu minister President Sr. Ivar Asjes i representante di fundashon di desaroyo di Marie Pampoen i bisindario Sr. Adri Williams a hasi apertura awe di e proyekto di e Playa di Marie Pampoen pa medio di desvelo di e borchi. E proyekto aki ta enserá ku ta bai desaroyá hinter e área di e Playa di Marie Pampoen for di e Pier te ku e kancha deportivo,  ku sigur lo hasi e Playa aki mas atraktivo pa nos hendenan lokal pero tambe nos bishitantenan. E proyekto aki ta bai tuma lugá den estrecho kolaborashon di e tres ministerionan ku ta Ministerio di desaroyo ekonómiko bou di enkargo di minister Stanley Palm, Ministerio di salubridat públiko, medio ambiente i naturalesa bou di enkargo di Minister Ben Whiteman i Ministerio di tráfiko, transporte, i planifikashon urbano bou di enkargo di Minister Earl Balborda. E intenshon ta pa enbolbí e habitantenan di e bario di Marie Pampoen den e  diferente áreanan di konstrukshonnan ku tin ku tuma lugá i despues tambe den e mantenshon.  CTB ta enkargá ku e kordinashon di e trabounan ku tin ku tuma lugá.