Digicel su kampaña di Fin di Aña dediká na e famia boneriano

KRALENDIJK-NOV: Despues di un eksitoso kampaña “Esun di Bo”, na unda ku komunidat di Boneiru a bolbe konfirmá ku Digicel ta nan faborito, e kompania a lansa su kampaña dediká na selebrashon di fin di aña. Di akuerdo ku representante di Digicel srta. Nicola Conquet, e biaha aki ta pone énfasis riba un selebrashon familiar. “Esensia di Pasku ta keda ilustrá ku ‘famia’, pues un sena familiar, selebrashon familiar- sin importá kon grandi e ta, pero famia mester keda sentral. E aña aki Digicel ke bolbe selebrá ku e famia boneriano”.

Yena bo garoshi:

Digicel lo regalá un kliente tur siman, durante di 5 siman largu e oportunidat di yena su garoshi den Famoso Supermarket durante 1 minüt te ku un máksimo di $500. Ideal, pa hasi kompras i asina prepará e sena di Pasku òf e selebrashon navideño. Durante 5 siman largu lo krea espektativa pa e siman kulminante na unda ku e ganador apsoluto lo kore ku su garoshi durante 2 minüt te ku un máksimo di $1,000. Partisipashon ta fásil; rekargá bo telefon ku $10 òf mas, klientenan di postpago lo mester paga nan kuenta i tambe por partisipá dor di apliká pa un International Bundel Plan di 45 minüt òf mas. Tur djaluna lo bèl e ganador di siman ‘live’ den e programa di Dj. Marvin na Radio Digital 91.1fm i ya djaweps e por yena su garoshi den Famoso Supermarket. *Pa mas informashon di e kampaña por bishitá e página di Facebook di Digicel Boneiru. Riba kombinashon di foto por haña un impreshon di e momentu ku a duna inisio na e kampaña di fin di aña. A lansa e Christmas Campaign di Digicel na su establesimentu den Kaya Grandi. “For di awòki nos ta gradisí tur nos klientenan pa e entusiasmo ku ya kaba nan ta sinti pa e kampaña. Partisipá, i yena bo garoshi yen yen tur siman ku Digicel!”, esaki di akuerdo ku ehekutivo di merkadeo pa Digicel Boneiru, Nicola Conquet.