Willemstad, Djaluna 17 di novèmber tabata e último dia ku habitantenan di Kòrsou por a entrega nan pelíkula pa partisipá na Festival Muestra Caribe 2015. Esaki tabata un gran éksito. E aña aki Teatro Luna Blou ta organisá pa di 4 biaha e Traveling Caribbean Film Showcase. Durante e festival aki Teatro Luna Blou lo pasa diferente pelíkula informativo tokante músika Karibense. Aparte di esaki Luna Blou a habri e oportunidat pa sineastanan lokal i tur esnan interesá traha i entrega nan propio pelíkula. E pelíkulanan aki lo tin e oportunidat pa partisipá na e Traveling Caribbean Film Showcase 2015. Ta ku inmenso plaser Teatro Luna Blou ta partisipá ku mas ku 10 pelíkula e keda entrega pa partisipá. Awor tur e pelíkulanan aki lo wòrdu di screen dor di un pènel internashonal di sineastanan pa wak kua ta esnan ku lo wòrdu skohe pa partisipá na e siguiente edishon di e festival. E pelíkulanan aki lo wòrdu pasa na mas ku 30 isla den Karibe. Pa sa mas tokante di e pelíkulanan ku a keda entrega bishita e página di facebook di The Traveling Caribbean Film Showcase 2014.