E fiesta a sigui na KFC Sta. Maria:

Willemstad- Novèmber-; Un bes mas KFC Sta. Maria a resultá chikitu pa e kantidat enorme di mayor i nan yunan ku a presentá pa disfrutá di e show di Sanikolas i su Pietnan. Anualmente, esnan ku no a haña oportunidat di bai Brionplein pa e yegada di Sanikolas sá ku tra’i mèrdia KFC Sta. Maria ta pèrkurá pa un fiesta tur afó. Esei mes tabata e kaso- e fiesta a kontinuá, djasabra último ora ku un multitut enorme a akudí pa sigui selebrá e yegada di Sanikolas. KFC Sta. Maria a sòru pa presentashon di un show di Piet, músika, bouncers i entretenimentu pa tur mucha i nan mayornan ku tabata presente. Muchanan a probechá e momentu di saka potrèt ku Sanikolas i su Pietnan, ademas di esaki e maskota di KFC ‘Chicky’ i Kòrsou su propio Colonel Sanders tambe tabata tei durante di e selebrashon. E tim dinámiko di KFC a repartí e BBQ wrap di KFC kompañá ku un regalito, esaki a resultá un ‘hit’ total. Un danki spesial na Coca Cola pa e T-shirtnan i e tèntnan; ni wer di áwaseru por a stòp e fiesta!