na departamento di Endoskopia di SEHOS “Unidat Profesor Dòkter Alejandro Saleh”

Willemstad – Resientemente Hunta di Direktiva di St. Elisabeth Hospital a nombra e departamentu di endoskopia ofisialmente komo “Unidat di Endoskopia Profesor Dòkter Alejandro E.C. Saleh”. Maduro & Curiel’s Bank ta sumamente orguyoso di por felisitá Profesor Dòkter Saleh ku e honor grandi aki. Alabes nos ta gradisí Profesor Dòkter Saleh pa tur loke durante hopi aña ela hasi pa nos komunidat. Na mes momentu nos ta sumamente kontentu ku Maduro & Curiel’s Bank por a kumpra i regalá Sehos un aparato importante i ultramodèrno ku lo komplementá e trabou balioso ku e “Unidat di Endoskopia Profesor Dòkter Alejandro E.C. Saleh” ta hasiendo. Ta premirá ku e aparato Olympus Evis Exera III akí ta bai hasi e trabou di nos spesialistanan médiko i di enfermeria muchu mas fásil, pero tambe e pashènt ta haña un servisio di un nivel hopi mas haltu. E mashin aki por keda usá pa diferente operashon i ta usa teknología nobo i modèrno ku ta fasilitá e médiko sirugano ora di hasi un diagnóstiko más presis. Maduro & Curiel’s Bank ta felisitá Direktiva di SEHOS, Ir. Javier Hernandez, Profesor Dòkter Saleh i famia, henter e staf médiko i di enfermeria di e Unidat di Endoskopia Profesor Dòkter Alejandro E.C. Saleh, i ta deseá nan hopi éksito ku e trabou balioso ku nan ta hasi tur dia di nobo na bienestar di nos komunidat.