Durante seminario a demostrá efisiensia, aksesibilidat i minimalisashon di gastu:

Willemstad, Curaçao – Resientemente Digicel a tene un seminario dirigí riba solushonnan práktiko pa mundu empresarial. E divishon di Digicel ku enfoke riba solushonnan den área di ICT ta duna empresanan oportunidat pa traha den forma mas efisiente i ekonómiko ofresiendo muchu mas balor pa nan invershon. Digicel Business a tene 3 seshon di kada un, 1 ora i mei- ku partisipashon di 15 invitado. E Business Solutions Seminar ku a keda tené na Avila Hotel a ofresé kada invitado un bista amplio den e portofolio di  Digicel Cloud. Durante di e seminario, a duna splikashon i demostrashon amplio di Cloud Back-Up, Cloud Telephony, Desktop- as a Service, Mobile device management, Hosted Exchange i Digi Drive. Pa mayoria empresa e solushonnan aki tabata un alivio, ya ku inisialmente e invershon den ekiponan di ICT aki no tin retorno di invershon (return on investment). Pues ku Digicel por ofresé nan komo servisio pa un gastu mínimo i figo pa luna. Digicel Business por maksimalisá e potensia den teknologia i solushoná problemanan tékniko, ademas di esaki ta ofresé e mihó solushon i esun mas avansá pa kualke empresa, miéntras ta yuda nan manehá nan gastunan i optimalisá nan efisiensia. Despues di kada seshon informativo a duna demostrashon di e servisionan ku a keda presentá i tur invitado por a eksperensiá kada servisio pa nan mes. E bentahanan di Digicel Cloud ta demasiado pa menshoná, pero sigur no por keda sin suprayá, kontinuidat den empresa, mobilidat i agilidat pa e kompania ku ta hasi uzo di e servisio di Cloud, un kosto fiho pa luna i un seguridat haltu pa protekshon di tur data. Ku e servisio aki e kompania ta aksesibel unda ku ta i ki ora ku ta, un plataforma di primera, sosten di departamentu di IT pa kontrolá i pa mas efisiensia un sentro di servisio na kliente ku ta 24/7 na disposishon. Por bisa ku e seshonnan informativo na Avila Hotel, a introdusí e klientenan na un manera sigur pa backup, kompartí dokumento, manehá nan aparatonan mobil, hasi yamadanan hopi mas ekonómiko i un sin fin di otro alternativanan mas ku Digicel tin pa ofresé.  Riba foto athuntu un impreshon di e seminario ku a wòrdu tené resientemente.