Willemstad 14 Nov – Djabierne mainta trempan a tuma luga re-apertura di Building Depot. E seremonia a kumpli ku presensia di diferente invitado, inkluso Minister Earl Balborda, Pastor Morrison, miembronan di gerensia, finansiadonan i sostenedonan, miembronan di prensa i naturalmente hopi fiel kliente ku tabata en espera di e gran dia. Den e seremonia ofisial, Pastor Morrison a bendishona e edifisio nobo i tambe hinter e famia di Building Depot pa duna nan forsa pa e trabounan ku lo bai tin di awor en adelante. Tambe a yama Dios danki pa Su obranan ku a yuda trese Building Depot bek riba pia. Girobank a hasi entrega di un bunita kuadro konmemorando e historia di Building Depot. E kuadro ta konsisti di diferente momento den e trajektoria di Building Depot i tambe awor den presente. Minister Earl Balborda a dirigi algun palabra i a ekspresa su satisfakshon di mira Building Depot bek. Sr. Roderick Lucia tambe a hiba algun palabra gradisiendo tur ku a toka parti den regreso di Building Depot. Después di e seremonia simboliko di kortamentu di sinta, tu hende por a drenta paden i tuma nota di e edifisio nobo. Sigur sigur e ta un preciosidat di un edifisio ku un infrastruktura supermoderno. Parti paden a tuma luga desvelo di un busto di sr. Rodney Lucia, tata di direktor Roderick Lucia, kende tabata fundador di e empresa. Hopi ta e klientenan ku tabata tei ja presenta pa nan por drenta i kuminsa hasi nan kompras pa fin di anja. Mester bisa ku trafiko tabata kongestiona ja for di oranan di mainta den e area di Zeelandia. E store ta brinda un eksperiensia hopi uniko pa hasi kompras. Pasillonan ta hopi espasioso i tin diferente ‘Service Point’ den e store kaminda klientenan por akudi ku kualkier pregunta ku nan por tin tokante un produkto. Tambe tin e sekshon di ‘Member Services’ pa aplika pa bira miembro di Building Depot i asina disfruta di diferente oferta spesial. Restorant Komedor Krioyo lo bai soru pa platonan dushi pa asina bo por lunch i despues sigui hasi bo kompras i asta tin un area pa nos muchanan diberti nan mes. Building Depot lo tin orarionan spesial den su prome wikent. Djabierne i tambe djasabra Building Depot lo ta habri for di 8or mainta te ku 8or di anochi. Esaki ta pa brinda pueblo di Korsou oportunidat amplio pa bin sera konosi ku e store nobo i kuminsa hasi nan kompras di fin di anja. Djabierne tabata tin animashon musikal di entre otro Igor Rivas parti mainta i lo tin Ephrem J & Friends parti atardi. Djasabra lo tin animashon di Tipiko Pasa Bon. Djadomingo tambe lo ta habri den un ambiente mas trankil pa famia for di 9or mainta te ku 4or di atardi.  “We are back! And the best got even beter!” Esaki tabata palabranan di sr. Roderick Lucia ku un sonrisa riba su kara. Den e mesun rosea, sr. Lucia a hasi un invitashon na pueblo di Korsou pa pasa na Building Depot i disfruta di bon preis, bon produkto i bon ambiente den e store nobo. “Korda bon… Djis pens’e, nos tin e!”