Dia 28 di desèmber 2014 MEO Foundation ta organisá Apertura di Karnaval 2015. E evento lo tuma lugá den Punda. Orario: 3’or di atardi pa 11’or di anochi. EVENTO:

Punda:

Na pia di brùg den e área di kiosko lo tin stage i lo tin Dj, tambe lo tin steelband i grupo di baile. (tumba)

Gomez Plein.

Na Gomez Plein lo sera e área (plenchi)  kompletu i kombertié den un parke pa mucha den esfera karnavalesko i fin di aña. Lo tin DJ, bouncer, aktividat di pinta kara i weganan pa mucha.

Wilhelmina Plein.

Lo tin un stage ku presentamentu di entertainment band, steelband, grupo di baile i mas despues bandanan manera Era i O’Vega. Hinter e área di Wilhelmina Plein lo tin e konosido tèntnan di benta di artíkulo.

Mini Parada di Lus – 8’or pa 10’or di anochi

Lo tin un Mini Parada di Lus ku lo sali di Waaigat bai pariba te Plasa Hoyer, lora bin abou via kaya Papa Godett, pasa lora na de Tempel, pasa banda Boogjes, pasa Handelskade, pasa banda barkunan di fruta bai kaba den e área di Marshe Nobo. Di ei e hendenan por bai bek Punda den área di Wilhelmina Plein. Den e Mini Parada di Lus lo tin animashon di Dreams, Entertainment band i dj.

Show di Vürwèrk

Na final di e Mini Parada di Lus lo tin un show di vürwèrk den área di Marichi ku lo ta tambe final di e dia di e evento. Alrededor di 11’or di anochi. Lo tin un asiento pa nos dignatarionan, grandinan i hendenan desabilitá gosa di e show na Wilhelmina Plein.