Otro felis ganador den e kampaña di MCB i Digicel

WILLEMSTAD:- Sra. Clara Kirindongo a bira e siguiente felis ganador di e kampaña “Top Up Via MCB i Gana”. E’la gana un Samsung Tab 3. Tur siman klientenan di Digicel tin chèns di gana premio dor di sea rekargá ku Pagomátiko, SMS 1111, MCB@Home/ MCB Mobile òf na kualke Bankomátiko di MCB ku chèns di gana un Samsung S5 òf un Samsung Tab 3. Ainda tin chèns pa klientenan partisipá den e kampaña; kada bes ku e kliente rekargá su telefòn di Digicel via e sistemanan ku MCB ta ofresé e tin chèns di gana tremendo premio. Tur siman lo tin un ganador den e kampaña, esaki te dia 15 di novèmber próksimo. Pa mas informashon di e kampaña aki bishitá e wepsáit http://www.digicelcuracao.com òf yama sentro di servisio pa kliente na number +5999 7361056 òf 145 grátis for di bo selular di Digicel. Por komuniká tambe via Facebook https://www.facebook.com/DigicelCuracao.