Tur aña karnaval di Banda Bou ta ser dediká na un baluarte ku ta nifiká i hasi hopi pa e pueblo di Banda Bou en general i e Karnaval di Banda Bou en partikular. E aña aki Karnaval di Banda Bou ta ser dediká na  Frendsel “Papy” La Cruz.

E programa di karnaval di Banda Bou pa 2015 ta lo siguiente:

• Fundraising Pick-Nick Bailable dia 16 novèmber 2014 na Hofi Popo Royer
• Proyekto benta di Sticker dia 29 di novèmber 2014 na diferente supermerkado
• Apertura di temporada di karnaval di Banda Bou 2015 dia 4 di yanüari 2015 na Westpunt
• Elekshon di Reina Prens i Pancho grandi dia 24 yanüari na Landhuis Groot Sta.Martha
• Elekshon di Reina Prens i Pancho hubenil dia 25 di yanüari na Landhuis Groot Sta.Martha
• Marcha di Karnaval di Banda Bou dia 14 di febrüari 2015

Fundraising Pick-Nick Bailable 

Dia 16 di Novèmber Fundashon Karnaval Banda Bou ta organisá un Pick-Nick Bailable . E pick-nick aki lo tuma lugá na Hofi Popo Royer di 6or pa 12or di atardi / anochi i lo konta ku animashon musikal di ERA, Forsa Dos i dj Danger. Entrada pa e pick-nick bailabel aki ta fl.20,- delantá i fl.25,- na porta. Karchinan ta optenibel na 4th of July snek na Barber i serka miembronan di direktiva.

Elekshon di Reina Prens i Pancho

Ainda tin oportunidat pa inskribí pa elekshonnan di Reina Prens i Pancho di Karnaval di Banda Bou  2015. Pa inskripshon òf pa mas informashon por tuma kontakto ku Louise na number di telefon 525-0312 òf Liesette na number di telefon 511-8916 òf manda un email na elekshonkbb@gmail.com

Benta di Sticker

Fundashon Karnaval Banda Bou, den koperashon ku Auto City, lo tin un sticker na benta ku e lema “BAN KARNAVAL NA BANDA BOU”. E sticker aki ta kosta fl.3,-. Kumprando e karchi aki bo ta koperá ku Karnaval di banda bou i ta partisipá pa diferente premio atraktivo. Direktiva di Fundashon Karnaval Banda ker a yama danki na tur e spònsernan ku a hasi e rueda di prensa di Karnaval di Banda Bou 2015 posibel;  ISUZU, Auto City,  Coca-Cola i General Catering.