Ban Baila, pasó Ambiente Ta’ki…

WILLEMSTAD:- Miéntras ku fin di aña ta aserká, baidónan di fiesta a kuminsá prepará pa e fiesta ku ta duna inisio na e temporada festivo. Riba djasabra dia 6 di desèmber próksimo OREO i ERA ta topa otro kara’kara den WTC. For di dia ku karchinan a sali na benta, a tuma nota di un reakshon total pa e fiesta aki. Di akuerdo ku e organisashon enkargá ku e proyekto, e dos agrupashon musikal skohé pa e próksimo fiesta di ‘Ambiente Ta’ki’ lo tin tur ingrediente di e promé- ta un malchi tin, i e ta trahá pa funshoná eksitosamente. WTC lo keda kombèrtí den un sala di fiesta grandi- ofresiendo e públiko bailadó 2 sekshon di VIP. E ‘VIP Standing’ na balor di Naf 175 ta inkluí ‘Open Bar’, un pan ku stobá i un sòpi- miéntras ku ‘VIP Tables’ (6 persona na mesa) ta inkluí ‘Open Bar’ i Bufèt, pa esaki por yama 690-7272. Sekshon general, ta kosta 65 florin. Tantu entrada pa ‘VIP Standing’ i general ta optenibel ta tur punto di benta- Beep Beep, Tik Tak i Mensings Caminada. Pa organisashonnan di personal (Personeels Vereneging) di empresanan lokal tin preis preferensial, pa informashon por yama 690.7272 Pa e anochi di 6 di desèmber próksimo e ‘food court’ bou di enkargo di The Trader lo ofresé pasaboka navideño, aki por pensa riba Pan ku Ham di Pasku, Ayaka na fòrnu i otro delisianan pa fin di aña. Manera por ripará a pensa riba tur detaye. Tantu, Claudius Phillips & OREO i ERA ámbos lo bin bon prepará. ERA lo presentá ku Boy, Moises, Lio, Benòni, Little i lo pèrkurá pa tur ‘hit’ di ERA zona durante di e anochi aki.