…un evento eksklusivo ku bo no por pèrdè! Bo tin bo karchi kaba?…

WILLEMSTAD:- Ya a drenta e siman tan sperá di CNSJ; e aña aki un biaha Renaissance Curaçao Resort lo tin e asina yamá, ‘After Party’. Un ambiente eksklusivo ku a bin ta hala hopi atenshon i e aña aki sigur lo no ta un eksepshon. Pa klousurá e di dos anochi di CNSJ Festival, Renaissance Curaçao Resort ta tene su ‘After Party’ pa un i tur por siguí disfrutá despues di e konsierto di Djasabra anochi. Aña pasá, tantu huéspetnan di e hotèl komo esnan ku a kumpra nan karchi pa e ambiente eksklusivo a disfrutá di un enkuentro priva di e músikonan lokal i internashonal. Durante di e ‘After Party’ Jazz Pool ta ‘basilá’ i improvisá riba nan instrumèntnan ofresiendo un esfera di lounge i ideal pa sigui disfrutá di e anochi. E aña aki a agregá presentashon bibu di DJ Questlove i DJ RO-1.  E ‘After Party’ lo tuma lugá mainta trempan dia promé di Sèptèmber di 1:30am pa 5:30am den lobby di Renaissance Hotel i karchinan ta optenibel na; Renaissance Front Desk, Beep Beep Rio Canario i Mensing’s Caminada na balor di NAF 55.00. Karchinan pa e evento aki ta limitá, pues e evento aki ta den un ambiente eksklusivo, pues no tarda pa kumpra bo karchinan. Riba imágennan athuntu un bista di e tremendo ambiente durante di e ‘After Party’ den lobby di Renaissance Curaçao Resort.