Willemstad, Djaluna 27 di òktober lo tin e último funshon di Loloi 2 – Kas suku, Lus riba snek. Esaki lo tuma lugá 8or di anochi na Teatro Luna Blou. Loloi 2 – Kas suku, Lus riba snek ta kousando furor bou di pueblo di Kòrsou. For di su estreno Loloi a sa di yena salanan chòk chòk. Despues di salanan sold out Pachi Damon i Teatro Luna Blou ta komplasé tur esnan ku ainda no a wak Loloi 2 ku un funshon mas. Esaki lo tuma lugá djaluna 27 di òktober pa 8or di anochi. Pa medio di esaki nos kier informá tambe ku djasabra 25 di òktober ta sold out i karchinan pa djadumingu 26 ta bayendo manera pan kayente. Si ainda bo no a wak Loloi 2, pasa kumpra karchi awe mes promé nan kaba. Karchi ta optenibel na Teatro Luna Blou, Time to Time (Saliña) i Pompstation Sta. Maria. Karchi ta kosta solamente 27,50.