Un fiesta i un konsierto…

WILLEMSTAD.- Grupo Niche ta pendiente pa bin presenta na Kòrsou durante di e wikènt di 7 i 8 di novèmber próksimo. Ámbos presentashon ta pintando di bai bira un éksito rotundo mirando e reakshon ku tin. Loke tin e hendenan un tiki konfundí ta e sitionan di presentashon i e tipo di aktividat. Pa aklará e konfushon e organisadónan ta bolbe duna un splikashon di ámbos evento.

FIESTA BALIABEL

Grupo Niche dia 7 di novèmber lo presentá den un fiesta baliabel na Mathey Werf (Otrobanda pega ku O’porto Restaurant) huntu ku Doble R Klásiko. Un fiesta ku sigur e amantenan di Salsa no por pèrdè. E fiesta ta kuminsá pa 9’or di anochi i terminá pa 2’or di mardugá.

Karchi pa e tremendo fiesta aki ta kosta 65 florin general i VIP ta kosta 250 florin.

NOCHE COLOMBIANO

Djasabra 8 di novèmber lo tin e ‘Gran Noche Colombiana’ riba Kleine Werf (Skalo, Punda). Riba e anochi aki lo tin presentashon di Jean Carlos Centeno i Grupo Niche. E anochi aki lo ta un konsierto ku den antesala e presentashon di Orkesta Wesu. E konsierto aki lo kuminsá pa 8’or di anochi i ta terminá pa 2’or di mardugá. Karchi pa ‘Noche Colombiana’ ta kosta 65 florin pa sekshon general i 350 florin pa VIP.

SIMAN DI SALSA
Speshalmente pe bishita di Grupo Niche lo bai tin un ‘Siman di Salsa’ ku workshop i kompetensia di baila Salsa riba éksitonan di Grupo Niche. E siman di Salsa lo tuma lugá di 3 te ku 6 di novèmber 2014. E sitionan di workshop i kompetensia di baile lo keda anunsiá próksimamente. Bin siña baila Salsa, kompetí bailando Salsa i prepará bo mes pa e grandioso fiesta baliabel di Grupo Niche i Doble R na Matheywerf dia 7 di novèmber.

BENTA DI KARCHI

Karchi pa sekshon general di ámbos evento ta optenibel na Mensing’s Caminada, Albert Heijn, Tik Tak, Beep Beep, Pagadero (Saliña), Restaurante Doña Elena, Restaurante Wepa, Parts 4 You (Rooseveltweg) i el Rancho de Alex (Sta. Rosaweg).

Karchi nan pa sekshon di VIP ta optenibel únikamente na Pagadero (Pablo Frederik Saliña) entre 12’or di mèrdia pa 6’or di atardi.

Pa mas informashon por manda imeil pa nochecolombianacur@gmail.com, bishita e página facebook: nochecolombiana òf yama 526-0692.