45 aña di MCB su brènch na Hato

Willemstad –  Djaweps dia 8 di òktober Maduro & Curiel’s Bank a selebrá ku su brènch na Hato a kumpli 45 aña. Miosotis Sleur, Branch Manager na Hato, i koleganan ku ta traha na e brènch a selebrá huntu i ku klientenan ku a pasa sea pa hasi un transakshon òf djis pa ekstendé nan felisitashon. Tur Kliente ku durante henter dia a bishitá e brènch a haña snèks, refresko i bolo. Tabata un grato sorpresa ora gerensia di CAP, sr. Ralph Blanchard, a sorpresá gerensia i personal di Hato brènch ku un dushi bolo i un bunita areglo di flor. Gerensia di Curaçao Airport Partners tambe ta selebrá e hecho ku 45 aña pasá MCB a kere den desaroyo di nos aeropuerto i ta duna servisio bankario na tur e miles di bishitantenan ku ta drenta i sali Kòrsou via nos aeropuerto Hato. Pabien na gerensia i personal di Bo Banko Amigu, spesialmente koleganan di MCB Hato Brènch.