Fondonan rekoudá ta bai pa Ronald McDonald House Charities (RMHC) Curacao Foundation

 

Kòrsou,9 di Òktober 2014 – McHappy Day, McDonald’s su evento spesial, ta selebrá su di 5 aniversario na Kòrsou, djabièrnè 14 di novèmber. Riba e dia aki tur benta di Big Mac lo wòrdu duna kompletamente na RMHC Curacao Foundation. E kampaña aki  a kibra tur rèkòrtnan den pasado, surpasando e ophetivo pa di e forma aki a bira e ‘fundraising’ ku mas éksito den historia di McDonald’s Kòrsou. Executive Chairman di RMHC, Sra. Claudia Rigaud, a bisa “McHappy Day ta e temporada mas importante di aña kaminda nos ta rekoudá fondo pa RMHC Curacao Foundation i kaminda nos por husa e fondo nan pa yuda nos muchanan i nan famia nan den nan tempu difísil na SEHOS. Nos ta spera ku pueblo di Kòrsou lo surpasá e montante ku nos a rekoudá aña pasa.” Nos ‘Poster Child’ e aña aki ta Magnolia Maria Michelangela Habaths di 10 aña I nasi na Kòrsou. Dòkternan a diagnostiká Magnolia ku Neuroblastoma ora e tabata tin apénas 2 luna. E la kuminsá ku kimoterapia ora e tabata tin 3 luna i e la kaba ku e tratamentu nèt promé ku su di 4 aña. Desde di e tratamentu, Magnolia a rekuperá for di tur e ‘side effects’ di e aña nan di tratamentu i aña pasa ora e la bai bek Ulanda pa kontrolá, dòkter nan a bisé ku e no tin kanser mas i ku e ta kura. McDonald’s Kòrsou, tin 5 restorant, Dr.Maalweg, Saliña Galleries, Punda, Sta.Maria i Sta Rosa. Tur ta promoviendo McHappy Day ku benta di “man” pa solamente Nafl.1.00 i lo dediká un dia spesial di benta di BigMac na nòmber di RMHC Curacao Foundation. “Duna aporte na e komunidat ta McDonald’s su propósito prinsipal, e ta un kompromiso ku nos ta tuma hopi na serio. E aña aki nos ke pa McHappy Day duna un kontribushon signifikante na RMHC.  Nos ta hasi un yamada na henter pueblo di Kòrsou pa bini na kualkier di un di nos restorantnan y tuma parti na e inisiativa positivo aki” ,asina Jennifer Poulina, Operations Supervisor di Arcos Dorados Curacao a bisa. “Nos ta rekonosé e trabou balioso ku RMHC ta hasi pa nos muchanan i komunidat i nos ta orguyoso di por yuda na kontribuí na nan esfuerso”, Jennifer sigui bisa.

Mishon

E mishon di e RMHC Curacao Foundation ta pa krea, buska i duna sosten na programanan ku ta direktamente mehorá e salubridat i bienestar di muchanan na Kòrsou i e isla Karibense. Nos por kumpli esaki ku nos ‘Family Room Program’ i tambe ku sosten di otro organisashonnan sin ganashi ku ta parti e mishon ku nos.

Tur esnan ku ke duna nan aporte partisipando den McHappy Day por duna nan kontribushon na e siguiente inisiativanan:

.           Benta di “man”

Kumpra un “Man” pa solamente fls.1 na kualkier di un di nos 5 restorantnan te ku 14 di Novèmber.

.           Kumpra un BiG Mac

Dia 14 di novèmber bishita un di nos McDonald’s nan i kumpra un Big Mac òf Big Mac Combo.

.           Big Mac Pre-benta

Komo parti di e programa di McHappy Day, McDonald’s Kòrsou ta ofresé un programa koperativo pa asina duna e kompania nan e oportunidat di hasi nan kontribushon kumprando kupòn di Big Mac pa nan empleadonan, amigunan y famianan. E kupòn nan solamente por wòrdu troka pa un Big Mac riba e dia di McHappy Day, 14 di novèmber. McHappy Day ta McDonald’s su ‘fundraising’ global anual ku di un manera hopi importante ta duna atenshon na muchanan ku nesesidat rònt mundu. McHappy Day ta un di e kampañanan di mas grandi ku ta kontribuí na RMHC i tambe na otro ‘non-profit’ organisashonnan di mucha ku ta na eskoho di McDonald’s. Arcos Dorados e operador di tur e Restorantnan di McDonald’s na Kòrsou i den e Region, a generá kasi US$14 mion pa instansianan karitativo den 2013 durante McHappy Day. Representantenan di McHappy Day, inkluyendo artistanan,  atletanan y músikonan lo tei  boluntariamente.  Lo tin aktividat den e store, músika bibu y e selebrashon lo sigui te ku ora di sera. Representante na di McHappy Day lo ta un invitado speshal. Pa mas informashon, bishita nos website www.rmhc-curacao.org òf nos Facebook page na Ronald McDonald House Charities Curacao Foundation.

McHappy Day na Latino Amérika 2013

Den 2013 e edishon di McHappy Day, mas ku 2.8 mion hende a partisipá den 18 suidat den Latino Amérika.  E kampaña a rekoudá US$ 13,777,076 na benta di Big Mac, 16% mas ku e aña anterior, pa programanan ku ta avansá e salu y bienestar di muchanan i hende grandi den Latino Amérika.  E ganashi a benefisiá mas di 70,000 famia luchando pa por kontribuí na salu di nan yunan.  Aktualmente tin 17 ‘Ronald McDonald Houses’, 21 ‘Ronald McDonald Family Rooms’ i 1 ‘Ronald McDonald Care Mobile’ den Latino Amérika. Den 2013, dies Ronald McDonald Houses i tres Ronald McDonald Family Rooms a wòrdu traha den dies diferente pais den Latino Amérika, ku fondonan rekoudá den McHappy Day.  E aña aki ta marka 40 aña di aniversario di e apertura di promé Ronald McDonald House na Philadelphia, Pensylvania, USA, i e  komienso di Ronald McDonald House òf Charities (RMHC), manera nos konosé awe.

RMHC sekshon lokal:

E fondo rekoudá ta permití pa kontinuá ku e trabounan den RMHC Family Room i tambe yuda desaroyá inisiativanan importante ku lo benefisiá nos komunidat i espesialmente nos muchanan. For di su establesementu aki na Kòrsou RMHC a sòru pa identifiká, desaroyá i traha riba proyektonan ku ta apoyá programanan ku ta direktamente konektá ku salu hubenil riba tèrmino largu. Ku  e Family Room , RMHC Curacao Foundation a sa di yuda mas di 3200 famia y mucha na Kòrsou ofresiendo nan no solamente un área di rekreashon konfortabel na muchanan interná den hospital pero tambe ta brinda mayornan i famianan di muchanan aki un kamber konfortabel pa hospedá den dje ya ta serka di nan yu.

Tokante Arcos Dorados

Arcos Dorados ta e operador di restorant di McDonald’s di mas grandi na mundu den tèrmino di benta i e kantidat di restorantnan, operando e kadena di mas grandi di “Quick Service Restorant” na Latino Amérika i Karibe.  E tin e derecho eksklusivo di ta doño, operá i duna frankisia di restorantnan McDonald’s na 20 pais Latino Amérika i Karibense, inkluyendo Argentina, Aruba, Brazil, Chile, Colombia, Costa Rica, Kòrsou, Ecuador, Guyana Franses, Guadeloupe, Martinique, Mexico, Panamá, Perú, Puerto Rico, St. Croix, St. Thomas, Trinidad & Tobago, Uruguay i Venezuela.  Arcos Dorados ta operá òf ta duna frankisia na mas ku 2,063 restorant McDonald’s i ta empleá mas ku 95,000 persona i ta sirbi aproksimadamente 4.3 mion kliente pa dia. Rekonosé komo un di e kompanianan mas mihó na Latino Amérika,  Arcos Dorados ta riba bolsa di New York (NYSE: ARCO).  Pa bo sa mas di e kampaña aki  bishita  nos wepsait na: www.arcosdorados.com