ORANJESTAD– Luna di december ta un djis y Aruba ta cla pa otro celebracion di fin di aña na unda cu famia, amistadnan y coleganan ta bini hunto pa disfruta di platonan suculento den un ambiente di goso, ambiente y union. Ya no ta un secreto cu Renaissance Convention Center ta e experto pa un celebracion di Pasco y fin di aña inolvidabel. Dia 17 di december proximo di 8’or di anochi pa 1’or di marduga regala bo mes, henter bo famia, amigonan y sernan queri un ‘Magie de Noël Dinner and Dance Party’ na unda cu experiencia culinario excepcional ta topa cu bon ambiente y crea un celebracion unico y glamuroso. Pa garantisa un experiencia sin igual Renaissance Convention Center lo ofrece diferente ‘stations’ pa e cliente por scoge y traha su propio combinacion. Hunto cu e menu extenso lo agrega un decoracion di Pasco clasico corespondiente na e tema di ‘Magie de Noël’ cu lo comberti Renaissance Convention Center den un fantasia navideño. E ‘Magie de Noël Dinner and Dance Party’ ta costa unicamente Awg 75,= pa persona incluyendo service charge.  Pa loke ta e ‘dinner party’ esaki lo brinda un Bread Station, Un Salad Bar extenso cu por ehempel, Chicken Waldorf Salad y Seafood Ceviche. Como entrada a prepara e.o Grilled Marinated Strip Steak den saus di mushroom, Keshi Yena di galiña, Seafood Stew y mucho mas. E Soup Station lo ta bon representa cu e.o Sweet Potato Soup y Seafood Chowder, tambe lo tin e Carvin Station cu lo ofrece un delicioso Roast Turkey y Glazed Virginia Ham, finalmente un Dessert Station bon varia cu e.o bolo di cashupete, bolo di pruim, quesillo y mucho mas. Pa duna e ambiente un toke special lo tin animacion na encargo di N’Fuzion y Dj Edson cu lo hiba tur hende bek den decada ’80. Ta bon pa menciona cu tur preis na e cash bar lo ta na florin. Por haci reservacion na 523-6404 of 523-6403 tambe por manda e-mail na; mmtheijsen@arubarenaissance.com. Renaissance Convention Center ta cla pa brinda henter pueblo di Aruba un experiencia navideño excepcional. Haci bo reservacion lihe!