WILLEMSTAD — Djamars dia 28 di òktober awor, Asosiashon di Músiko i Artista di Kòrsou lo tene su reunion General anual. Durante di e reunion aki ku ta programa pa tuma lugá pa 6:30 pm den Sala New Burn Patricks den Curaçao Festival Center, lo trata e siguiente puntonan:
- Apertura
- Partisipashon
- Notulo di último reunion general anual statutario
- Relato anual 1 di yanüari 2013 t/k 31 di dezèmber 2013
5 Relato anual finansiero 1 di yanüari 2013 t/k 31 di dezèmber 2013
- Elekshon di direktiva pa e periodo 1 novèmber 2014 te ku 1 novèmber 2016
- Relato Komishon di Kaha 2013
- Elekshon Komishon di Kaha, inspektornan i eventual otro komishonnan 1-11- 2014 te ku 1-11-2015
- Turno Liber
- Klousura
Konforme punto nr. 6 di agènda, Miembronan den direktiva aktual a pone nan mes ta reeligibel. Postulashon pa miembronan nobo pa direktiva por tuma lugá den siguiente forma:
- Proposishon di e direktiva aktual;
- Kandidatonan pa presidente o miembro di direktiva sostené pa 25 miembro.
Mester entrega proposishonnan pa mas tarda djabièrnè 17 di òktober 17.00 na sekretariado na Curaçao Festival Center.