Dia 15 di òktober a ser proklamá komo dia internashonal di stòki, kual e aña aki ta 50 aña di selebrashon. Ku e stòki blanku ta referí na esun ku strepi kòrá ku blanku ku personanan ku problema ku bista ta usa. Manera tur aña, Fundashon Pro Bista ta pone atenshon riba e dia aki. E aña aki Fundashon Pro Bista ta selebrando 15 aña di eksistensia i 50 aña di dia Internashonal di stòki, p’esei ta dediká mas atenshon pa e kousa aki for di dia 13 di òktober te ku 17 di òktober den sentro di suidat, den establesementu nan komersial i asta na parti mas pabou di Kòrsou. Mas ku 12 kliente, huntu ku diferente trahadó i boluntarionan di Fundashon Pro Bista i nan fotógrafo ta sali riba kaya. Tambe ta bai tin informashon i ehersisio nan den Fundashon Pro Bista, esaki ku énfasis riba e hóbennan ku problema ku bista. E siman lo ta yena ku sorpresa pa komunidat i pa e fundashon su kliente nan, pues si bo interesá den mas informashon i òf kier partisipá, yama nos libremente i djis mèldu esaki.