Willemstad – Minister di Desaroyo Ekonómiko, Sr. Stanley Palm lo partisipá na e di 21 konferensia anual di Florida Caribbean Cruise Association (FCCA), ku lo tuma lugá na St. Maarten e aña aki, di 6 pa 10 di òktober. Durante e konferensia aki, Minister Palm, huntu ku CPA, lo presentá e plannan di e di dos Mega Pier na e komishon tékniko di FCCA. Minister Palm lo asistí tambe na e CEO/Presidenst & Ministers i ademas lo hiba kòmberashonnan separá ku ehekutivonan di kompanianan krusero den kuadro di nan partisipashon den e proyekto di Mega Pier 2. Minister Palm lo partisipá tambe na UNCTAD (United Nations Conference on Trade and Development) World Investment Forum 2014 (WIF2014) ku lo tuma lugá na Genève, Suisa, di 13 pa 16 di òktober. Huntu ku Minister Palm lo biaha tambe representantenan di CINEX (Curaçao Investment and Export Promotion Foundation) i IBA (Asosashon di Bankeronan Internashonal di Kòrsou i Sint Maarten) Konsiderando ku e tema di e Forum di a aña aki ta “Investing in Sustainable Development”, e ta duna oportunidat pa presentá e problematika di “correspondent bank” ku bankonan den region di Karibe ta konfrontando últimamente. Mas i mas ta sosodiendo ku bankonan korsesponsal no ke brinda servisionan na bankonan den region mas pa lokual ta trata transakshonan den dòler merikano. Esaki ta un punto hopi urgente ku afektando algun di nos bankonan lokal tambe. IBA ta spera di por logra avanse pa yega na un solushon pa e asuntu aki. Sres. Arthur Adams i Luis Santine lo forma parti di e delegashon parti di IBA. Di parti di CINEX, Sr. Ramon Koffijberg, direktor interino, lo partisipá na e Forum.