Willemstad,Despues di un trayektoria largu i eksitoso nos ta bolbe regalá pueblo di Kòrsou ku un funshon mas. RBC Royal Bank, Teatro Luna Blou i La Tentashon ta presentá Ta Bo Destino?.E lo tuma luga djadumingu 5 di òktober 6or di atardi na La Tentashon. Den “Ta Bo Destino un mama ku su yu ta haña nan den situashonnan difísil i pa e motibu ei ta tuma desishonnan ku tin konsekuensianan grave pa ku e mama i su yu hòmber. E ta un obra dramátiko pero alabes tin parti humorístiko ku lo ponebu hari te pèrdè rosea. E obra aki ta skibi pa Gedeon Martina i dirigí pa Donovan Benett Durante 1 luna largu e hóben aktor/aktrisnan aki a train intensivamente pa por a trese un produkto di kalidat sumamente haltu ala Hollywood. E elenko ta konsistí di Gregory Ustatia, Tisjaira Martina, Gedeon Martina, Ronessa Marten, Aldaïr Pieters i Gino Winklaar E obra Teatral aki a estrená vários dia i a haña komentarionan hopi positivo di diferente persona ku a presensia esaki. Tambe nos a haña petishon for di diferente hende pa bolbe presentá ta bo Destino?. A ofresé e oportunidat pa por presensia e obra di arte aki. Ta bo Destino lo tuma lugá djadumingu dia 5 di òktober 18:00 na La Tentashon. Karchi pa e anochi aki ta optenibel na Time to Time na saliña i Teatro Luna Blou. Karchinan lo kosta 15 florin Henter pueblo di Kòrsou ta keda kordialmente invitá pa bin wak Ta bo Destino? Pèrdè pa bo pèrd’é Pa mas informashon tokante e obra Teatral Ta bo Destino, bishita nos página web : www.lunablou.com òf nos facebook page: Teatro Luna Blou. Tambe por yama Teatro Luna Blou na 462-2209.