Willemstad- Gerensia i personal di DÒK djabièrnè 19 di Sèptèmber a rekordorá i rindi homenage na empleadonan kendenan a pèrdè nan bida 7 aña pasa durante di un aksidente riba e barku Seamec II ku tabata den B dòk pa reparashon. E homenage a tuma lugá ku ponementu di ofrenda floral na e monumento na porta di DÒK ku ta dediká na tur empleadonan ta den felis memoria pero muy enpartikular esnan a pèrdè nan bida den e aksidente aki. E empleadonan ku a pèrdè nan bida durante di e aksidente aki tabata Sr. Arnie Lucio, Sr. Ronald Martina, Sr. Jeffrey Rog, Sr. Quincey Alexina i Sr. Edwin Martis. Djasabra 20 di sèptèmber lo tin un santu sakrifisio dediká na e defuntunan na nan memoria. E santu sakrifisio di misa lo tuma lugá pa 7.30 or di anochi na misa di Groot Kwartier.