Tur aprobashon reglamentario ta na nan lugá:

Willemstad, Curaçao – Na komienso di aña Digicel a anunsiá ku e’la yega na un akuerdo ku Loret Group, un kompania ubiká na Guadeloupe i tambe ku Caribbean Fibre Holdings pa kumpra un nètwèrk di submarine fibre pa henter region Caribense. Ta asina leu ku gobièrnu i tur departamentu konserní a duna nan aprobashon. Resientemente a anunsiá ku e transakshon entre Loret Group i Caribbean Fibre Holdings a keda kompletá. Awó ku e dil ta rònt, e ta marka un paso grandi den Digicel su evolushon, for di un proveedor di únikamente telekomunikashon pa un proveedor mundial di komunikashon. Esaki ta hasié un totalidat. Tur esaki siguí dor di e anunsionan ku resien a wòrdu hasí di e atkisishon di diferente ret i kanalnan di televishon ‘cable’ den region. E dil ta hasi Digicel propietario di un nètwèrk kompleto di submarine fibre optic cable ofresiendo un kapasidat di konekshon for di Trinidad pa 12 otro pais mas te ku Puerto Rico i ku konektividat pa Merka (US). Total, Digicel a sigurá akseso riba un ret konsistiendo di 15 segmento supmarino ku un alkanse di 3,100 kilometer den henter Caribe. Tambe den futuro, Digicel lo tin kapasidat ekstensivo pa konektá Merka, Europa i Asia. Sr. Hans Lute, CEO pa Digicel Dutch Caribbean a komentá,“Den un mundu ku tin ‘hamber’ pa data, nos ta komprometé pa sigurá ku nos ta keda entregá produktonan i servisio inovativo na nos klientenan. E atkisishon aki ta duna nos e oportunidat di un kantidat signifikante di kapasidat di submarine fibre ku ta nifiká ku nos lo por yuda nos klientenan alkansá nan metanan personal òf empresarial ofresiendo solushonnan práktiko i avansá, esaki ta inkluí un eksperensia multi-media riba multiple unidat”.