WILLEMSTAD.- Inskripshon a habri pa Festival di Tumba Hubenil 2015. Otro aña e festival lo  tuma lugá riba djadumingu, 1 di febrüari 2015. Pa tur hóben ku ta interesá pa inskribí pa Festival di Tumba Hubenil 2015 nan mester pasa na Curaçao Festival Center pa tuma un formulario di inskripshon. INFORMASHON IMPORTANTE E hóben partisipante mester tin entre 10 pa 15 aña di edat. E mester ta dispuesto pa partisipá na tur aktividat di preparashon. Dia di oudishon bo mester presenta na e ora stipulá ku un grabashon di un tumba ku bo ta bai kanta durante di e seshon di oudishon. Despues ku e komishon evaluá tur hóben ku a inskribí, esnan ku keda selektá lo haña invitashon pa bin reunion den presensia di nan mayor. Esnan  ku no a klasifiká tambe lo haña notifikashon di esaki. Tur hóben ku tin un komposishon ( letra i melodia) i klasifiká, mester nota esaki riba e formulario di inskripshon.  Abo hóben tumbero, pasa i inskribié bo mes na Curaçao Festival Center.