Chef David Diaz di Colombia tabata enkargá di e kreashon di e menu pa un grupo selekta di invitados

Kòrsou, Sèptèmber 17, 2014- En konekshon ku e selebrashon di McDonald’s su 40  aniversario na Kòrsou,  Arcos Dorados, e frankisia di McDonald’s mas grandi na mundu operando na Latino Amérika i Karibe, a presentá e evento eksklusivo: McGourmet, pa e di kuater aña konsekutivo, unda e invitadonan por a disfrutá un sena inklusivamente ku e ingredientenan di McDonald’s. E kreashon kulinario aki tabata na enkargo di e chef David Diaz na Sonesta Kura Hulanda Village. Entre tur e invitadonan pa e evento eksklusivo aki tabata presente nos ministernan inkluyendo xx, miembronan di prensa, ehekutivonan di Arcos Dorados i McDonald’s su sosionan riba nos isla. Chef David Diaz tabata traha na Criterion Restorant na Bogota, kual ta pertenesé na Jorge Rausch i Mark Raush i ku ta number 19 riba e lista di e 50 mihó restorantnan den Latino Amérika. E chef tabata sosio ku McDonald’s Kòrsou pa nan 40 aña di aniversario na Sonesta Kura Hulanda Village. Gabriel Serber, Managing Director di Arcos Dorados den Region Karibe a bisa, “Arcos Dorados ta gradisí tur esnan ku tabata parti di e historia di McDonald’s pa 40 Aña aki na Kòrsou, i ta premirá pa sigui invertí y sirbi Kòrsou pa hopi aña mas”. McDonald’s tin un di e stándart di kalidat mas estrikto den kuadro di e manera e kuminda ta wòrdu sirbi, inkluyendo pa mantené un rekòrt pa mantené nos protokòl pa sigurá freskura, kalidat i nutrishon.  Kalidat di kòntròl di ingredientenan i produktonan ta kuminsá ku selekshon di nos ‘suppliers’ i ta sigui ku henter e proseso kon pa atendé ku nan.  Únikamente esnan ku por mantené nan mes na e reglanan aki, por sirbi na McDonald’s. ”Kalidat haltu den freskura i variedat di McDonald’s su ingredientenan a permití  mi di ta kreativo  i krea un platonan eskisito ku tur nos invitados nan por a disfrutá di dje na e evento spesial aki.”Asina Chef David di Astrolab a bisa. E menu diseñá pa Chef Diaz inkluyendo e Fort Nassau Salad, Cappuccino Seú, Willemstad Medallion, Otrobanda Roll i komo pasaboka, Dushi Curaçao. E kreashon kulinario tabata kompaña ku un biña eskisito manera Casillera del Diablo i Santa Cristina Antinori.  E originalidat i eksklusividat di e evento di McGourmet a kuminsá na Brazil dor di Maria Luiza Ctenas, e chef regional di Arcos Dorados den Latino Amérika, i Flavia Vigio, èks VP di Arcos Dorados  den Latino Amerika na 2004.  E evento aki a wòrdu presentá pa di tres biaha aki na Kòrsou, di kual a bira un tradishon den Latino Amérika i Karibe.