Partisipa na Zoo-hunt dia 27 i 28 di sèptèmber

Willemstad – Den e afan pa rekoudá fondo pa Parke Tropikal, pa por ehekutá e proyektonan agúdo di Parke Tropikal, un komishon formá pa amigunan di e parke a organisá di 27 di sèptèmber pa 5 di òktober un Siman Bestial. Un di e aktividatnan durante di Siman Bestial ta un ‘Zoo-hunt’. Si bo ta amante di “scavengers hunt”, Zoo-hunt sigur ta un aktividat ku bo no por faya. Zoo-hunt ta bai bira hopi gezellig i den un palabra; BESTIAL. Ku 4 persona den outo pagando solamente fl. 100,- bo ta partisipá. Un Zoo-hunt ku hopi ‘challenge’ i chèns pa gana premionan fabuloso. Pa partisipá ta fásil. Pasa inskribí bo grupo na Parke Tropikal di djaluna pa djabièrnè di 10 or di mainta pa 5 or di atardi. Zoo-hunt ta un aktividat ku henter famia por partisipa na dje. Chehadi Eddine ta e persona enkargá ku e Zoo-hunt. Ta bai tin premionan hopi atraktívo. Banda di premio nan cash di fl. 2000, –, fl. 1000,– i fl. 500,– pa e promé, di dos i di tres lugá lo bai tin hopi premio atraktivo mas manera Boxnan digital di Tele Curacao, DVD players di Omni, Giftcertificate di Bootsy, Tablet di Multitronic, instalashon mas 3 luna gratis di TDS i hopi premio atraktivo mas. Ademas lo saka for di e partisipantenan di Zoo-hunt dos representante pa partisipá na e gameshow mas eksitante na televishon, Bai’e. E Zoo-hunt ta bai bira elektrisante paso ta konta ku partisipashon tambe di TCFM i CBA Television. Ku bo partisipashon na e Zoohunt aki bo ta yuda ku desaroyo di nos Parke Tropikal. Pa mas informashon di Siman Bestial i Zoo-hunt por jama 736 0188 of wak e facebook page di Parke Tropikal.