Kòrsou ta sigui kere den Siman di Kultura. P’esei Kas di Kultura ta brinda hinter komunidat di Kòrsou e aña aki atrobe: Siman di Kultura !! E fecha pa Siman di Kultura e aña aki ta 28 di sèptèmber  te ku 5 di òktober. E grupo di enfoke pa Siman di Kultura ta pueblo di Kòrsou en general i spesialmente 60+sers, Kasnan di Kuido i Kasnan di Ansiano. E aña aki Siman di Kultura lo bai tin un kompetensha basá riba Poesia Original ku e tema Patriotismo; Amor den tur sentido di palabra pa nos grandinan. Por ehèmpel: amor pa Kòrsou, amor pa naturalesa, amor pa kultura, amor pa famia, amor pa hende etc. Kas di Kultura ta hasi un yamada na tur 60+sers, Kasnan di Kuido i Kasnan di Ansiano pa skirbi boso nòmber òf nòmber di boso organisashon òf Kas, pa bo representante tuma parti na e kompetensha aki. E idea ta pa skirbi un POEMA ORIGINAL pa kompetí kuné den bo kategoria pa Siman di Kultura 2014. Dia 1 di òktober, Dia internashonal di grandinan Kas di Kultura ku estrecho koperashon di CUROIL ta organisá e kompetensia final di e kategoria 60+sers i e kategoria Kasnan di Ansiano. Dia 5 di òktober den klousura di Siman di Kultura tur ganadó apsoluto ta risibí nan premio riba tarima. Bo por inskribí bo poema na Kas di Kultura te ku dia 25 di Sèptèmber 2014, na simandikultura2014@gmail.com, vicenton@kasdikultura.an, via di fax na 461-7133 i tambe via telefon. Pa mas informashon por tuma kontakto ku Sra. Ninotszka Vicento, kolaboradó di Kas di Kultura na telefon 4347355 / 4347310 0f 5134465. Kas di Kultura ta invitá hinter komunidat di Kòrsou pa “ Lanta nan kara i biba nan kultura pa huntu nos Hasi grandi nos kultura i alsa nos nashon”. Ban laga kultura di Kòrsou sigui brota den tur skina di Kòrsou, di 28 di Sèptèmber te ku 5 di òktober 2014 selebrando 11 aña Siman di Kultura di Kòrsou!