Willemstad – Ayera nochi tabata e premier di Boeli & tip. E anochi ofisial aki tabata representá dor di e legendario aktor Boeli van Leeuwen. I Eric de Brabander tabata tin na su enkargo lesando artíkulo di e famoso trabounan di Boeli. Durante di e anochi aki bo por a presensia potrètnan proyektá di: ‘Ik ben niet ik’, saka for di e dokumentario di Sherman de Jesus. E anochi espektakular aki a wòrdu klousura dor di Roland Colastica ku un poesia di e famoso eskritor. Awe nochi Milushka Birge lo presentá e dramatical reading: ‘Schilden van Leem’ basa riba e obra di Boeli van Leeuwen. Lo tin un ripitishon di e obra aki riba djabièrnè 19 Sèptèmber próksimo. I direktamente for di Amsterdam tin tambe e Grupo Teatral ‘Flint’. Riba djabièrnè 12 Sèptèmber i Djarason 17 Sèptèmber 2014 nan lo presentá e obra ‘De morgen loeit weer aan’, den forma di un obra Teatral basa riba e buki di: Tip Marugg. Djaweps 18 Sèptèmber e festival lo ta kompaña ku un ambiente musikal i e dokumentario di ‘Niemand Goedenacht’ kompaña ku poesia i kantá dor di Margareth Craneveldt i dirigí pa Stanley Betrian. Bo tin te ku djabièrnè 19 Sèptèmber pa bo por mira e diferente obranan ku lo tin na e Festival Boeli en Tip. Funshon nan ta kuminsá 19:30 na Teatro Luna Blou. I karchinan ta optenibel na Mensing’s, Albert Heijn, Van den Tweel, Bruna i na Teatro Luna Blou. Karchi ta kosta: fl. 35,- pa anochi. Pa mas informashon por yama Teatro Luna Blou na Tel.: 462-2209 / 520-8537. Por bishita tambe nos facebook page: ‘Theater Festival Boeli & Tip’.