Tim Famia Govaerts ta e ekipo ganadó di e di kuater Ronald McDonald House Charities Golf Classic fundraiser

Kòrsou, 9 di Sèptèmber 2014 —Djasabra último Ronald McDonald House Charities (RMHC) Curacao Foundation a organisá su di kuater klásiko di gòlf riba Old Quarry Golf Course na Santa Barbara Beach & Golf Resort. E organisadónan por wak bek  riba un torneo  super eksitoso kaminda tabatin tremendo ambiente i kompetensia hopi sera entre e timnan.  Mainta a partisipá 12 tim i atardi a partisipá 16 tim, ku a forma  un total di 28 tim ta konsistí di 4 hungadó den kada tim.  E Torneo a krea su nòmber dor di fanátikonan di gòlf i esnan ku ta sostené  RMHC, ku di e forma aki a bin krese kada aña. Anochi despues di e torneo entrega di premio a tuma lugá riba ‘Hole One’ di Old Quarry Golf Course kaminda tur partisipante por a disfrutá di un ‘cocktail party’ ku bufèt den un ambiente plasentero ku entretenimientu di Skylar Dayne i Oscar Bor ku un presentashon speshal di Irma Philbert . A saka ekipo ganador di terser, di dos i promé lugá entre e timnan di mainta i tambe entre e timnan di atardi. Diferente premio a wòrdu rifa tambe entre  e 112 partisipantenan ku tabata opsekio di diferente kompania lokal. Den e ‘flight’ di mainta, na di tres lugá Tim Banco di Caribe 2, na di dos lugá Tim Curacao Tourism Board i na  promé lugá Tim Govearts. Den e ‘flight’ di atardi, na di tres lugá Tim McDonald’s 2, na di dos lugá Tim Ernst & Young i na promé lugá Tim Polar. ‘Best Front Course Overall Gross’  a bai  pa Tim Curacao Tourism Board. ‘Best Back Course Overall Gross’ a bai pa Tim De Makelaar. Tambe  e premio ‘Most Promising New Talent’ a bai pa Malik Levens ku a gana partisipashon na e Ronald McDonald Golf Classic na Costa Rica na Yüni 2015. E premio grandi ku ta partisipashon na e Ronald McDonald Golf Classic na Puerto Rico den Mart 2015 a keda entrega na Tim Govearts  den kual nos ta tin partisipashon di 2 hóben ku tremendo prospekto den gòlf. E tim ta konsistí di e hóben Aidan Maduro, Max Govaerts i su mayornan Chantal i Robert Govearts. Un pabien ta bai na e  tim  ganadó! RMHC Curacao Foundation ta gradisí tur kompania ku a kontribuí na e evento aki pa RMHC por sigui  ku su trabounan karitativo pa yuda nos muchanan i manehá nos ‘Family Room’ na SEHOS. Un danki na tur spònser di tim i tee’s en special nos spònser prinsipal  MCB, McDonald’s, Coca-Cola, iCars,  Ennia, Banco di Caribe, All signs & Neon, Curacao Tourism Board, i Curacao Airport Holding ku a kontribuí ku e ‘Green Fee’ di e torneo. Un danki tambe na tur kompania ku a kontribuí ku premio. Un danki speshal ta bai  na tur boluntario ku semper ta disponibel pa yuda RMHC Curacao Foundation ku e bon kousa: Lilo Sulvaran, Santa Barbara Beach & Golf Resort, Jane Weststrate i su tremendo tim di OId Quarry Golf Course!