Djasabra anochi diferente famia, amigunan , gruponan di orashon a bin huntu pa selebrá 25 aña di Grupo Hubentut Siguiendo Kristu . Tabata tin komedia, baile i hopi músika dor di Hubentut Siguiendo Kristu Klásiko, Hubentut Siguiendo Kristu Nobo, Ministerio Light & Love, Kor Song for Jesus, Krystel Rosario i presentashon di grupo Komedia Historia i grupo di Baile Jesus Shining Stars. Tabata un anochi inolvidabel pa hopi hende ku den e 25 aña nan a pasa bishita e grupo di orashon aki ku kada djasabra ta reuní den Hofi Mani, kaminda sra. Chepa (qepd) a kuminsá ku un grupo i te awe a keda ku mes un nòmber selebrando i dunando Dios tur e honra. Hopi bendishon mas i fortalesa pa Hubentut Siguiendo Kristu !