Willemstad-  Debí na tantu akohida e aña aki, nos ta bai kuminsa ku e kurso di Ahedres, Ping Pong, Domino, i Idioma Ingles i Hulandes, tantu pa mucha komo adulto. Nos ta kuminsa pa mucha for di 7 ana bai ariba, bou di guia di e profeshonal den e area aki kual ta Sr .Mardenbough pa Ahedres, Sr Arvelo pa Ping Pong i sr. Martina  pa domino, tur tres ta  maestro riba e terenonan aki. E kurso lo start dia 15  september  2014, pa mucha di 7 te ku 17 ana i e ora lo ta 6or pa 7or i 16 pa bai ariba lo ta di 7or pa 8or i lo  ta 1 bes pa siman of djasabra parti mainta of merdia, na Sentro Bario Montana. Nos ke  invitá boso pa pasa inskripshon ta  fl. 10,00 pa mucha i adulto, kantidat di persona ta limita. E kurso ta kosta pa mucha  Fl. 15,00 pa luna mucha 7 t/k 13 ana. I pa mucha 14 t/k 18  ana lo ta Fl. 20,00 i adulto Fl. 30,00 pa luna. Si tin kualke informashon, pregunta tuma kontakto ku Sentro di Bario Montaña na telefon 767-1600 entre 9 or pa 12 òf atardi 2 or pa  6 or. Un boka bisa otro. Di e forma aki nos di Sentro di bario montaña ke hasi mas hende konsiente pa por logra na meta dor di halsa kalidat di bida den nos bario.