Willemstad – Resientemente Maduro & Curiel’s Bank a yama bon biní na Ian de Silva komo miembro nobo di gerensia. Señor De Silva tin e funshon di direktor i huntu ku presidente Chicu Capriles, i direktor Michael de Sola lo hiba e maneho diario di MCB. Señor De Silva ta remplasá Joe van Dongen ku despues di a forma parti di gerensia di MCB durante 6 aña, a baha ku penshun na yüli último. Meskos ku Joe van Dongen anteriormente, Ian de Silva ta representá e akshonista Scotiabank den gerensia. Ian de Silva tin mas ku 40 aña di servisio na Scotiabank i a ehersé diferente posishon gerensial eksitosamente na su pais natal Trinidad & Tobago. Tambe el a forma parti di gerensia pa Scotiabank na Puerto Rico i e Divishon di International Banking di Scotiabank na Toronto. Ku nombramentu di Ian de Silva, Maduro & Curiel’s Bank ta agregá un eksperto den gerensia ku tin amplio konosementu i eksperensia den mundu bankario. Gerensia di Maduro & Curiel’s Bank pa medio di su presidente Chicu Capriles ta yama Ian de Silva bon biní na Kòrsou. Alabes ta deseá Ian de Silva hopi éksito den su labornan na Banko. E aktual tim di maneho di MCB ta konsistí tambe di: Ruthsella Jansen, Jerry van Gijn, Daisy Tyrol-Carolus i Lewis Chernin.