ORANJESTAD – AUG– Durante e temporada di zomer hopi ta esunnan cu ta scoge pa un vacacion den exterior y cerca figuranan publico y internacional esaki no ta un excepcion. Asina por menciona cu Renaissance Aruba Resort & Casino tabata anfitrion di  Sr. Akbar Gbajabiamila cu a bishita Aruba pa un vacacion relahante. Akbar Gbajabiamila ta conoci pa su funcion como co-host di e programa ‘American Ninja’ cu ta pasa na canal di television internacional NBC y tambe su funcion como presentador na NFL Fantasy Live pa NFL NETWORK. Durante su vacacion Akbar a disfruta di tur facilidad cu Renaissance Aruba Resort & Casino ta ofrece. Renaissance su Private Island a laga Akbar altamente impresiona. Ademas di admira e beyesa y disfruta di e ambiente relahante, Akbar a dedica tempo na admira e flamingonan tambe. Mientras cu e tabata na Aruba, Akbar a forma parti di e famoso ASL Challenge cual e’la realisa na Renaissance Marina Adult Pool. Pa esunnan cu no ta na altura di popular reto aki, esaki ta un recaudacion di fondo masivo tumando lugar riba medionan di comunicacion social na beneficio di cura di e asina yama Lou Gehrig’s Disease. Por mira Akbar tuma cumpliendo cu su reto via https://www.youtube.com/watch?v=SejEGiX4dUM. Un bes mas a keda demostra cu Renaissance Aruba Resort tin e ingredientenan perfecto pa un vacacion relahante, luhoso y bon mereci. Riba fotonan adhunto por haña un impresion di Akbar Gbajabiamila durante su estadia na Renaissance Aruba Resort & Casino i Renaissance Private Island.