E edifisio nobo di Building Depot djabièrnè último a yega su punto di mas haltu. Esaki tabata motibu pa e kompania di artikulo di kas i konstrukshon, durante di un selebrashon di “spantenbier”, duna gradisementu na tur kontratista , trahadonan den konstrukshon,personal i finansiadonan pa nan sosten . Nan sosten i esfuerso enorme ta pone ku e kompania ta bek riba  pia den un tempu korto. Na mei 2013 Building Depot a pasa den un suseso desastroso,kaminda Brantwer no por a skapa e edifisio na Zeelandia. “ Di akuerdo ku Roderic Lucia, propretario di Building Depot, ta danki na e dedikashon enorme di diferente partido manera e ekspertonan di daño, e kompanianan di seguro, nos banko Girobank, nos personal, e trahadónan den konstrukshon i gobièrnu, ku pronto nos t’ei atrobe na Zeelandia ”, E regreso rápido di Building Depot ta espesialmente danki na Girobank i seguronan Ennia. “Pero gobièrnu tambe a komprondé nos urgensha pa bini bèk riba merkado lihé. Tur hende riba tur nivel den tur e diferente organisashonnan tabata dispuesto na koperá ku nan parti, i ta p’esei pronto Builing Depot lo t’ei atrobe. Durante di e spantenbier Lucia a duna di konosé tambe, ku e portanan di e edifisio nobo na Zeelandia lo habri na novèmber proksimo pa públiko. “Promé ku e luna di fiesta di desèmber nos klientenan lo por konta ku nos atrobe manera kustumber.”

Bini bèk riba merkado

Lucia a indiká ku no tabata fásil pa bini bèk despues di e kandela enorme. “Nos mester a kambia nos manera di pensa drástikamente. Nos no por a pèrdè tempu ku lamentashon. Nos a kuminsá traha mésora pa por rekonstruí e kompania mas lihé posibel. Pa hasi esaki nos tabatin mester di mas ku solamente un diseño nobo pa un almasen nobo, pero mester a yega na sufisiente fondo disponibel tambe pa por realisá e konstrukshon di e edifisio nobo. “Direktamente despues di e kandela partidonan a akudí  pa yuda pensa i yuda buska finansamentu pa e konstrukshon nobo. Nos a eksperienshá esaki komo un sosten enorme”. Lucia a deklara. “Pa e hendenan aki mantene nan empleo i mantene e tipo di empresa manera Building Depot, tin hopi nifikashon pa Korsou. Nan tabata haña tambe ku mester tin konkurensha den “hardware” i material di konstrukshon riba e isla. E aktitut positivo aki a motivá nos enormemente pa kuminsa e trayekto di konstrukshon di e edifisio nobo ”, Lucia a bisa. Ta p’esei e “spantenbier” no ta solamemente un selebrashon pa  gradisí e kontratistanan pa e konstrukshon venturoso”, e direktor a kontinuá. “Ta un momento tambe pa gradisí Algemeen Pensioenfonds di Kòrsou, Vidanova Pensioen Fund, Foundation Pension Fund Isla, Fatum Life, PSB Bank i Giro bank pa e konfiansa den nos empresa. Building Depot ta un almasen di i pa pueblo di Kòrsou!”

Un eksperiensha nobo pa hasi kompra

E re-apertura pa klientenan fiel lo bira un eksperiensha di hasi kompra kompletamente nobo. Pa e diseño di su Superstore Building Depot a buska un storedesigner oropeo i un merikano. Lucia: “Tur dos tin nan propio filosofia. Merikano ta pensa riba efisiensia i ta tradusí esaki den espasio: e kliente mester sinti su mes liber, mester por hala rosea. Oropeano tambe ta pensa riba efisiensia, pero nan tradukshon ta enserá kon nan por ofresé e kliente mas tantu kos posibel riba un meter kuadrá pa asina tene e preis abou. Nos a laga the best of both worlds bini huntu den e diseño.” Komo ehèmpel Lucia ta duna e uso di klaridat natural na luganan kaminda tin hopi kliente ta bini huntu, manera na kaha. “Pero tambe den nos restorant i den e kaminda ku mucha por hunga. Pasobra den esaki Building Depot ta sigui e trènt internashonal: nos klientenan mester por haña un sosiegu mientras nan ta hasi kompra. Nan mester por kome òf bebe algu den e restorant i laga e muchanan un kaminda un ratu den e edifisio mes,ya nan por hasi nan kompra sosegá”, Lucia ta bisa. “Nos ta aspirá pa optimalisá e ‘shopping experience’ di nos klientenan!”

Filosofia bèrdè

E piso abou ta na nivel di kaya i por yega e piso ariba ku dos left i un trapi mekániko. Asina e empresa ta masha aksesibel pa hendenanan desabilita tambe. “Nos a pensa tokante e lusnan i e kolónan pa pèrkurá pa nos klientenan  sinti nan mes trankil. Bon airconditioning ku ta spar energia, dak ku ta reflehá solo i kayente i asina keda relativamente fresku. Nos a konstruí ku un filosofia bèrdè pero komo berdadadero empresario nos ta kòrda riba ekonomisashon importante di gastunan di energia tambe”, Lucia ta bisa ku un sonrisa. E hanchinan den e almasen lo bira hanchu .Lo bini mas kaha ku den e almasen bieu i pafó lo tin kuarenta porshento mas lugá di parker. “Nos tabata esun di mas grandi i esei nos lo keda tambe”, Lucia a sigurá. “E kliente ta ripará e último aki espesialmente na e kantidat di espasio ku bo ta eksperienshá ora bo kana den e almasen”, Lucia ta bisa. “E bon uso di e espasio aki tambe ta pone ku nos por ofresé mas produkto pa meter.

Personal

E empresa di artikulo di kas i konstrukshon ta kontentu ku nan por habri promé ku dianan di fiesta. Ainda mester traha duru pa logra esaki. Riba tereno di personal tambe. Lucia ta bisa ku tin nesesidat di manager logístiko, hefe di deposito i personal pa e backoffice, manera personal di rekurso humano, personal atministrativo, telefonista i warehouse- i storemanager. “E luna ku ta bini nos ta bai rekrutá i nos lo kontribuí na empleo nobo pa e isla. Un tiki pasenshi mas, pero nos ta yegando”, Lucia ta bisa.