Fundashon Pro Bista ta organisá un tremendo Happy Hour in the Dark Fundashon Pro Bista ta un instansia parsialmente supsidiá ku e meta pa integrá personanan sin bista i esnan ku limitashon visual den nos komunidat i krea asina mihó kondishonnan di bibá i di bida  pa e grupo aki. Fundashon Pro Bista ta organisá anual mente nan Luna di Buzon, p’asina yega na fondo pa realisá diferente proyekto pa su klientenan. E aña aki, Fundashon Pro Bista ta kumpli 15 aña i nan ke pone énfasis riba esaki. Den e 15 aña nan ku a pasa, nan a logra yega na 15% di e poblashon ku tin problema ku bista i e meta ta pa por yega na 25% i mas. Pa esaki mester di fondo pa por kubri e gastunan. E fondo nan ta sirbi pa hasi e Fundashon mas konosí den komunidat i asina yega na e klientenan ku Pro Bista ke alkansá. Ademas ku e fondo nan rekoudá, Pro Bista ta logra hasi mas ku e klientenan i bira tur dia di nobo mas profeshonal. Den e luna di Buzon, Fundashon Pro Bista ta organisá diferente akshon pa rekoudá fondo” fundraising”. Un di e aktividatnan ku Pro Bista ta organisá ta  Happy Hour in the Dark. Esaki ta un aktividat kaminda ku bo por eksperensia e mundu di un persona ku no tin bista. Ta un eksperensia úniko ku bo no por pèrdè. E Happy Hour in the Dark ta dia 21 di ougùstùs.  E dia aki lo ta bai tin diferente snacks  i bar lo ta habri. E ta kuminsá 7 or di anochi. Si bo ke eksperensia algu úniko, tuma kontakto ku Fundashon  Pro Bista pa mas informashon. Bo por yama na 737-9222 of mail na info@probista.com pa tuma mas informashon tokante e anochinan aki i tambe inskribí. Sigui krese ku nos!