Oranjestad – AUG– Presidente i CEO di Marriott International Mr. Arne Sorenson a bishita. Renaissance Aruba Resort & Casino durante su vakantie na Aruba, esaki den cuadro di e renobacion di Renaissance Marina su Adult Exlcusive Rooms (nan), Blue Bar, Papagayo Restaurant riba Renaissance Island y L.G Smith’s Steak & Chophouse. Sr. Sorenson a keda altamente impresiona cu e renobacionnan cu a tuma lugar. Durante di su bishita por a admira algun di e cambernan na Renaissance Ocean Suites cu lo keda cla na final di November. E team ehecutivo di Renaissance a comparti e plan di cada departamento. Por haci mencion cu e’la keda encanta cu e cambernan nobo, e cambionan den Renaissance Mall incluyendo e portofolio di tur e marcanan renombra cu ta ofrece. Tambe a combersa cu e maneho di Crystal y Seaport Casino riba e ultimo desaroyonan. Na final di e bishita, Sr. Arne Sorenson a expresa su encanto pa e isla di Aruba y e satisfaccion enorme pa cu e ubikashon di Renaissance Aruba Resort & Casino como lifestyle resort den centro di ciudad, Oranjestad.