Willemstad – Djaweps dia 31 di yüli, djabièrnè dia 1 i djasabra 2 di ougùstùs Maduro & Curiels’s Bank i Lito, E Amiguitu Spardó, a duna mas ku 2400 mucha e oportunidat pa sera fakansi i wak pelíkula na The Movies. Muchanan a haña karchi, popcorn i un limonada grátis i por a disfrutá di pelíkulanan manera Step Up All In, The Pirate Fairy, Planes Fire and Rescue 2, Transformers Age of Extinction i How to train your Dragon.Bo Banko Amigu a sòru pa diferente guia tabata presente i tur mucha a disfrutá inmensamente di e oportunidat úniko aki. Maduro & Curiel’s Bank i Lito, e Amiguitu Spardó di tur mucha, ta spera ku tur su amiguitunan a pasa un dushi fakansi i ta deseá tur mucha di Kòrsou un aña eskolar eksitoso.