“Stars of Tomorrow” a rekoudá Fl 8,000 

Kòrsou, 11 di Ougùstùs – Resientemente Ronald McDonald House Charities (RMHC) Curaçao Foundation den kooperashon ku  Cross Over Youth Movement Foundation i e banda di Freewinds a presnta su promé konsierto di mucha pa mucha ku tabata kompletamente “sold out”.  E konsierto ke a konta ku partisipashon di kantantenan i talento yòn manera  Elena Meijer, Titania Willems , Evan Huerta, Kimnea See Randt, Sensi Rondon i Nedrah Barbara tabata pa rekonda fondo pa RMHC. Tabatatin aktuashon di dos artista speshal. E banda ‘Unlocked’ ku ta konsistí di talento yòn lokal i e konosido Skyler Dayne ku huntu ku Oscar Bor riba su guitara a sòru pa un ambiente total riba bordo di Freewinds.  E cherry riba e bolo tabata un show di magia na final di Ronald McDonald. RHMC ta manda un danki speshal na ‘Unlocked’ i Skylar Dayne , Oscar Bor, Toni  Worrel i nos MC Gwendoline Isenia Francisca , ku a hasi e anochi aki posibel. I tambe  generosidat di pueblo di Kòrsou, konosí i amigunan di RMHC ku a akudí i a bin disfrutá!

Informashon RMHC sekshon lokal:

For di su establesementu aki na Kòrsou RMHC a sòru pa identifiká, desaroyá i traha riba proyektonan ku ta apoyá programanan ku ta direktamente konektá ku salu hubenil riba tèrmino largu. E Ronald McDonald Family Room, ku ta e promé programa di RMHC Kòrsou  ta ofresé  un área di rekreashon mas konfortabel na muchanan interná den hospital y tambe ta brinda mayornan i famianan di muchanan aki un kamber konfortabel pa hospedá den dje. Desde su apertura RMHC Curacao Foundation a sostené mas di 3200 famia den tempu difísil.