WILLEMSTAD.- E popular programa ‘Bo Tra’i Mèrdia’ presentá pa Hubert Hoogvliets tur mèrdia na Telecuraçao Kanal 8, entrante awe djaluna awor dia 11 di ougùstùs, lo konosé un kara nobo Hubert Hoogvliets lo presentá un dekor kompletamente nobo ku a keda diseñá pa e prestigioso kas di muebel i dekorashon ‘Mementos’. Awe tambe tambe lo introdusí e popular Melania van der Veen komo e ko-presentadó nobo pa ‘Bo Trai Mèrdia. Melania huntu ku Hubert Hoogvliets, kende a bin ta presentá e programa aki pa kasi 18 aña na Telecuraçao di un forma eksitoso, lo ta e presentadónan di ‘Bo Tra’i Mèrdia’. Un ‘jingle’ i logo nobo di ‘Bo Tra’i Merdia’ tambe lo keda estrená djaluna awor. Durante di e programa aki lo bai tin mas sorpresa, entre otro diferente premio pa e televidentenan ku yama. Un invitashon ta bai na tur e fiel ‘tra’i merdireñonan’ tantu na Kòrsou, Aruba, Islanan Ariba i Hulanda pa nan ta klabá awe djaluna próksimo 1’or di mèrdia pa no pèrdè nada dje programa.