WILLEMSTAD – Ougùstùs 2014– Durante e temporada di Kopa Mundial 214,  Renaissance Mall & Rif Fort a lansa su kampaña ‘Summer Soccer Campaign’ ku a resultá un éksito grandi. E kampaña ku un durashon di un poko mas ku 4 siman a duna tur bishitante di Renaissance Mall & Rif Fort oportunidat di gana premionan atraktivo. Tur esnan ku a bishitá Renaissance Mall & Rif Fort por a tuma nota di un nèt yená ku bala di futbòl kologá kantu di e muraya di Rif Fort. Hasiendo kompra den establesimentunan den Renaissance Mall & Rif Fort un i tur a risibí un kupòn riba kual a yena kuantu bala ta kalkulá ku tin den e nèt. Nyanda Liberia i Rhonda Jacobina a yena e kantidat korekto di 75 bala, e’la gana un “Shopping Spree” na balor di Naf. 1.000,00 miéntras ku Sra. Jacobina a gana un fin di siman na Renaissance Curaçao Resort & Casino. Renaissance Mall & Rif Fort a opta pa hasi un donashon di e 75 bala nan di futbòl na vários skol entre otro, MIL, Juan Pablo Duarte, Coromoto, Joan Maurits, Jacques Ferrandi i SGO Goslinga. Ademas di e skolnan Renaissance Mall & Rif Fort a hasi un donashon di bala di futbol tambe na Sentro di Bario Otrobanda i Fundashon Siervo de Dios. Pabien na e ganadónan di e kampaña. Pa mas informashon tokante ofertanan spesial i kampañanan atraktivo bishitá Renaissance Mall & Rif Fort su página di FaceBook; facebook/renaissancecuracao.