Djadomingo 27 di July proksimo ofisina di Turismo ta bai organisa su Terser Taste of Bonaire pa aña 2014 den Parke Wilhelmina di 6:00pm pa 10:00 pm den un tremendo Jazz Fest Edition. E programa ta karga ku  musika, Show y lo bai tin stent nan ku ta bende kuminda y artesanía. Agrupashon musikal Sensation lo bai tey presente pa anima e anochi ku nan musika.Lo bai tin un  sekshon  spesial  pa nos mucha nan ku diferente sorpresa. Bonaire Culinary Team tambe lo haya un rekonisimentu e anochi aki mirando e bon trabou ku nan a hasi na Taste of the Caribbean. E team a gana medaya di silver. Pa hasi e Taste of  Bonaire mas atraktivo lo bai tin un tremendo  Jazz Fest Edition.  Esaki mirando ku e weekend despues e Bonaire Heineken Jazz festival lo tuma luga. Un di e artistanan di Jazz ku lo debuta ta Anne Marie Kors di kua e lo ta presente e anochi di Taste of Bonaire. Tambe lo bai tin Roy & Majorie di BailAmores ku lo duna un show di salsa y bachata. Mirando e repertorio di artista ku lo debuta na e Jazz festival ta uno carga ku salsa, bachata y merengue kiko mihor ku siña kon pa baila e piesanan aki. Oficina di Turismo kier a ekstende un invitashon na pueblo di Bonaire y tambe na tur nos bishitantante nan pa bin pasa un ratu ameno huntu ku nos den e tremendo Taste of Bonaire ku ta bai tuma luga diadomingo  27 di July den parke Wilhelmina kuminsando foi 6or di atardi.