WILLEMSTAD – Rekargo di telefon prépago ta hopi fasil ku Bo Banko Amigu. Hopi ta e yamadanan di kliente i no kliente ku ta drenta serka e agentenan di “Contact Center” di Bo Banko Amigu ku e pregunta kon nan por rekargá nan telefon prépago via e sistemanan di Bo Banko Amigu. Maduro & Curiel’s Bank pa basta tempu kaba tin servisionan inovativo di rekargo. Resientemente a risibí konfirmashon serka un di e provedornan di servisio di telefon prépago riba nos isla ku enberdat nan klientenan for di siman pasá tin difikultat pa por kumpra karchi pa rekargá nan telefon prépago. Maduro & Curiel’s Bank ta rekordá tur persona ku tin un telefon prépago, sea ku nan ta kliente di MCB òf di otro bankonan lokal ku por rekargá bo telefon òf telefon di un otro hende GRATIS usando e siguiente sistemanan di Bo Banko Amigu: via di e 65 Bankomatikonan (ATM) i mas ku 100 punto di e sistema di pago “Pagomatiko” di Maduro & Curiel’s Bank situá stratégikamente ront Kòrsou. Tambe bo por hasi uso di kèsh pa rekargá via di “Pagomatiko”. Komo kliente di Maduro & Curiel’s Bank bo tin e ekstra benefisio. Banda di rekargá riba e maneranan ariba menshoná klientenan por rekargá nan telefon òf di otro tambe GRATIS via di SMS1111, “MCB@Home” i “MCB Mobile Banking”.

Pa mas informashon por tuma kontakto ku Bo Banko Amigu na 466-1111.