Willemstad, Djasabra 19 di yüli pa 9or di anochi i djadumingu 20 di yüli pa 8 or di anochi La Tentashon ta presentá e komedia “Shon Chi, Cha ku Chu tei konta bo bieu”. Un komedia skibi i presentá pa Edion (Loloi) Booy, Percey (Boskwiri) Benita i Germain (Ma Yeta) Jansen. Den e obra boso lo mira e kustumbernan di ántes i di awor, tresé pa e tres komediantenan aki. Rast, G, i òlò ta bai papia tokante di e kustumbernan di awor miéntras ku Shon Chi, Cha ku Chu tei konta kon e tabata ántes. Aparte di esei Shon Chi, Cha ku Chu tin e famoso trio “Mata Todos” ku lo deleitá públiko ku nan repertorio. Teatro Luna Blou & La Tentashon ta invitá un i tur pa bin disfrutá di e tremendo komedia aki. Bin hari bo barika yen, miéntras Shon Chi, Cha ku Chu ta hibabo bèk den tempu. No pèrdè e oportunidat aki. Kumpra bo karchi na balor di Nafl. 30,- awe mes pa bo no keda afó! Tur persona ku tin “Membercard” di Teatro Luna Blou ta haña 10% di deskuento riba nan karchi. Karchi ta optenibel na takia di Teatro Luna Blou, na Time to Time (Saliña)i na Servei (Sta. Maria). Pa mas informashon por yama 462-2209 òf bishita nos páginanan di facebook: Teatro Luna Blou òf La Tentashon.