Willemstad 17 yüli 2014 – Djarason anochi, 16 di yüli 2014, for di algu pasa di 10’or, UTS a enkontrá problema imprevisto riba su plataforma di internèt, debí na un storing ku a surgi ku e sistema di kabel di su internet provider na Merka. Relashoná ku esaki, servisionan den Chippieland ku ta usa internèt manera ADSL, ATE, 3G, 4G+, BlackBerry data, Office DSLi IP leased lines, a keda afektá. E siguiente mainta, esta djaweps 17 di yüli 2014 pa 9:30, tur konekshon a keda restablesé i tur kliente por hasi uso di nan servisionan relashoná ku internèt atrobe manera nan a kustumbrá. UTS ta lamentá e suseso aki, kual ta unu totalmente imprevisto i fuera di su alkanse i ta pidi su mas sinsero diskulpa pa e inkumbiniensia ku esaki a okashoná. No opstante e karakter imprevisto di e tipo di interupshonnan manera esun aki, UTS lo keda vigilá e situashon aki di hopi serka.