ORANJESTAD(AAN): Diamars mainta High Performance cu ta e compania responsabel pa pone Zonido, Stage y Luz a cuminsa cu e trabao nan necesario pa e concierto asina anticipa di Romeo Santos cu lo tuma luga Diasabra 26 di Juli den Elias Mansur Sportpark. Mirando e magnitud di e concierto y tur e exigencia nan cu Romeo Santos ta rekeri durante su show, High Performance a opta pa cuminsa traha algun dia mas prome cu e dia cu tabata rekeri di nan persona. A cuminsa ta traha riba e extension di stage cu mester ta mas grandi pa full e banda y ekipo cu mester wordo instala. Despues di esey High Performance lo tin un tarea sumamente dificil pa cuminsa instala full e diseño di e stage. Mester menciona cu esaki lo ta e prome biaha cu Aruba lo presencia un stage asina bunita hinca den otro. Aruba ta keda cordialmente invita pa cumpra nan carchi di entrada na e Ticket Outlet Center di Romeo Santos cu ta habri di Dialuna pa Diabierna di 3’or te cu 10’or di anochi.