WILLEMSTAD – E siman aki, Taxi Drivers Band a lansa un disko kompakto nobo riba merkado di Kòrsou. Ta trata aki di un produkshon di  8 komposishon. Taxi Drivers Band  tin mas o ménos 5 aña di eksistensia. Originalmente el a keda lanta pa e konosido Joe Batan Taxi 28 y Richardo taxi 173. Den prinsipio e tabata konsistí di taxista so, pero despues  a kuminsá buska otro músiko ku no ta Taxista pa yuda e banda. Na aña 2012 , Taxi Drivers Band  a partisipá na Festival di Tumba pa promé biaha ku Joe Batan komo kantante i  djei e  banda a bin haña diferente toka priva i awor e banda a tuma e kurashi pa bin ku un CD riba merkado pa dokumentá ku  Kòrsou su taxistanan tin un banda musikal. Doñonan di e banda ta Jaime Martis Tutu  Lauffer, Ylonka Bernadina,  Win Sommer . E otro músikonan di Taxi drivers Band ta Achi Concencion Trombonista, kende alabes ta direktor musikal,  Fefelo Martinez trompetista,  Tico Mercera Tenor Sax,   Ageo Basilio riba Piano,  Nel Pieternela riba  bass,  Eric Ricardo riba conga,  Frankito Naranjo  riba drùms i Timbal,  Tutu riba Bongo, Jaime riba perkushon, miéntras ku e kantantenan ta Ylonka,  Win , Eric Sommer i  Ibi Concencion. E CD ta konsistí di 4 piesa eksistente y 4 komposishon nobo di entre otro Kenneth Doran,  Ageo Basilio y un taxista di nòmber  Gibi y Achi Concencionn. Areglo musikal tabata  den man di Ageo Basilio, Achi Concencion i Shurendy Concencion E kompakto nobo ta optenibel na tur diskobar i tambe serka  integrante nan di e banda.   Taxi Drivers Band kier a yama danki na tur ku di un forma òf otro por a hasi  posibel pa realisashon di e CD aki  e CD a ser graba live ku ahustenan den studio di Bert Sambo pa kontakto ku e banda  tel 5238409 5229913 òf 5100058