…komo parti di “Global Day of Discovery” dia 26 di yüni próksimo…

WILLEMSTAD – Djaweps awor dia 26 di yüni Renaissance Curaçao Resort & Casino lo tene su evento “Fashion & Music Under The Stars” komo parti di “Global Day of Discovery”. Pa algun aña konsekutivo Renaissance Curaçao Resort & Casino ta invitá su huéspetnan i bishitantenan lokal pa uni i disfrutá di eventonan eksklusivo komo parti di e “Global Day of Discovery” i e aña aki lo no ta un eksepshon. Tur ku presensiá e evento “Fashion & Music Under The Stars” lo disfrutá di un meskla di músika i moda. Kuminsando for di 6PM te 9PM lo tin desfile di moda presentá pa dos diseñadó ku sigur lo duna realse na e último gritunan di moda; Maya Atalita i Morella Troeman. Durante e show lo tin músika di hóben artista Skylar Dayne, Gilmar Fraites i pa koroná un anochi eksitoso Ephrem J i Randy Leroy. Ademas di esaki Dj Carlito lo sòru pa un dushi ‘twist’ ku ‘Lounge Music’ durante sobrá di e anochi. Un sitio perfekto pa e anochi di “Fashion & Music Under The Stars” ta e fenomenal Ocean Front Park ku ademas di ta e sitio perfekto ta ofresé un paisahe adekuá pa e anochi. Selebrá i disfrutá di “Fashion & Music Under The Stars”dia 26 di yüni próksimo. Entrada lo ta grátis pues motibu sufisiente pa forma un grupo i bin relahá i sosialisá na RenaissanceCuraçao Resort & Casino.